huus, standort ond aareis

huus|standort und aareis

zumgraf_3huuszumgraf_1

öises b&b isch ime altstatthuus us em früene 14. johrhundert. es isch emol e kamm-macherei, e buechbinderei, e metzgerei ond e bäiz gsii. 2015 händ mer s’huus mit vel liebi zum detäil in es bed & breakfast umbaut. d’laag i de fuessgängerzone vo de historische altstatt isch bsunders räizvoll.

kino, theater, kunsthuus, stattmuseeum, naturama, bäize, verschideni iichäufsmöglichkäite, butike, bars, klubs, apitek, dokter oder s’aareuufer send nur wenigi schritt entfärnt.

i de diräkte umgäbig isch s’schwemmbad, de tierpark roggehuuse, s‘ rolling rock, d‘ rossrönnbahn, s‘ minigolf und s‘ boolingzenter.

im kafi im ärdgschoss serviere mer s’zmorge met regionale produkt, bi schöönem wätter äu dusse i de pelzgass. uf jedem vo de vier stockwärk häts je äis zimmer mit ere guete infraschtruktur (pult zum schaffe, internet ond färnsee). gueti bett und matraze sorge für en entschpannte schloof. i jedem zimmer häts es moderns bad met duschi oder badwanne ond wc.

mer investiere i  sunneenergie ond chönd über d hälfti vo öisem strom über öisi eigni gmeinschaftlichi solaralag z aarau decke.

gnüssed si ire uufenthalt i de statt met de schööne gible.

ire gaschtgäber

cécile und tobias graf
zumgraf_4

zumgraf_kringel

 

standort und aareis

mit em zug
d’reiseziit vo/uf züri, basel oder bärn esch öppe e halbi stund.
Öises huus erreicht me i knapp 10 minute z’fuess ab em häuptbahnhof oder mit em bus/poschtäuto ab aarau häuptbahnhof bis zu de haltestell holzmärt oder rathuus (beidi haltestelle send im umchräis vo weniger als 100 m).

mit em velo
dur s’obertoor, über d’chettebrugg oder d’läuränzevorstatt diräkt erreichbar. d’velo chönne i de überwachte velostazion bahnhof süd abgstellt wärde. Froge si öis nach eme zuetrettsbätsch.

mit em äuto
äutobahnuusfahrt aarau wescht (wenn me vo bärn chunnt) oder aaräu oscht (wenn me vo züri chunnt). öises b&b liit diräkt i de altstatt, d’zuefaahrt isch nume met ere bewilligung erläubt. bitte benüzed si äis vo de umlegende parkhüüser (flösserplaz, kasärne, kasinopark, citimärt, bahnhof). s’parkhuus flösserplaz und d’parkpläz chettebrugg und schporthalle send z’nacht und am sunntig gratis. För längeri uufenthalt gits parkcharte im stattbüro.
zumgraf_pelzgasse_31

zumgraf_kringel